ட்ரோன் தொழில்நுட்பத்தில் பிரான்ஸ் பின்தங்கியுள்ளது: இராணுவத் தலைவர் கவலை!!

பிரான்ஸ் விமானப்படைத் தளபதி Fabien Mandon, பிரான்சின் பாதுகாப்புத் திறன் குறித்து கவலை வெளியிட்டுள்ளார். ஐரோப்பிய கூட்டாளிகள், குறிப்பாக ஜெர்மனி, தங்களின் பாதுகாப்புச் செலவுகளை வேகமாக அதிகரித்து வருவதால், பிரான்ஸ் எதிர்காலத்தில் பின்னடைவு அடையும் அபாயம் இருப்பதாக அவர் எச்சரித்துள்ளார்.

அவரின் கருத்துப்படி, ஜெர்மனி தற்போதைய வேகத்தில் பாதுகாப்புத் துறையில் முதலீடு செய்து வந்தால், ஐந்து ஆண்டுகளுக்குள் பிரான்சின் செயல்பாட்டு அனுபவம் மற்றும் இராணுவ பாரம்பரியம் மட்டுமே அதன் முன்னிலையை நிலைநிறுத்த போதுமானதாக இருக்காது.

பிரான்சின் பாதுகாப்புத் தொழில்துறை உயர்தர தொழில்நுட்பங்களை உருவாக்கும் திறன் கொண்டதாக இருந்தாலும், குறைந்த செலவில் மற்றும் விரைவாக உற்பத்தி செய்யும் திறனில் குறைபாடு இருப்பதாக மாண்டோன் சுட்டிக்காட்டினார். அதே நேரத்தில், பிரெஞ்சு பொறியாளர்களின் திறமையை அவர் பாராட்டினார்.

குறிப்பாக ட்ரோன் தொழில்நுட்பத்தில் அதிக முதலீடு செய்ய வேண்டிய அவசியத்தை அவர் வலியுறுத்தினார். உக்ரைன் போரில் தினமும் புதிய கண்டுபிடிப்புகள் நடைபெறுகின்றன என்றும், தற்போது ட்ரோன்கள் காயமடைந்த வீரர்களை மீட்கும் பணியிலும் பயன்படுத்தப்படுகின்றன என்றும் அவர் எடுத்துக்காட்டாக கூறியுள்ளார்.