மின்சார கட்டணம் அதிகரிப்பு!!

ஆகஸ்ட் 1 முதல் மின்சாரக் கட்டணம் 2.5% உயர்த்தப்பட உள்ளது. இந்த உயர்வை அரசு, எரிசக்தி ஒழுங்குமுறை ஆணையமான (CRE) வழங்கிய பரிந்துரையின் அடிப்படையில் ஏற்றுக்கொண்டுள்ளது.

இந்த விலை உயர்வால், ஒழுங்குபடுத்தப்பட்ட மின்சாரக் கட்டணத்தில் உள்ள குடும்பங்களுக்கு ஆண்டுக்கு சராசரியாக 26 யூரோக்கள் கூடுதல் செலவாகும். பல மின்சார ஒப்பந்தங்களும் இந்தக் கட்டணத்துடன் இணைக்கப்பட்டுள்ளதால், ஏராளமான வாடிக்கையாளர்கள் பாதிக்கப்படுவார்கள்.

CRE-யின் தகவலின்படி, சுமார் 19.37 மில்லியன் வீட்டு வாடிக்கையாளர்கள் இந்த ஒழுங்குபடுத்தப்பட்ட மின்சாரக் கட்டண முறையைப் பயன்படுத்தி வருகின்றனர். மற்ற சில ஒப்பந்தங்கள் சந்தை விலையை அடிப்படையாகக் கொண்டுள்ளன.

குளிர்கால மின்சார உற்பத்தித் திறனை பராமரிப்பதற்கும், மின்விநியோக வலையமைப்புகளை மேம்படுத்துவதற்கும் இந்த விலை உயர்வு அவசியம் என அரசு தெரிவித்துள்ளது. மேலும், மின்வலையமைப்பைப் பயன்படுத்தும் கட்டணம் (TURPE) உயர்ந்திருப்பதும் இந்த முடிவுக்கான முக்கிய காரணமாகும்.