அடுத்த வாரம் ஐந்தாவது வெப்பஅலை எதிர்பார்ப்பு!!

இந்த கோடைக்காலத்தின் ஐந்தாவது கடுமையான வெப்பஅலை அடுத்த வாரம் தொடங்கும் என வானிலை முன்னறிவிப்புகள் தெரிவிக்கின்றன. இந்த வார இறுதியிலிருந்தே வெப்பநிலை வேகமாக உயரத் தொடங்கும். பல பகுதிகளில் 30°C-ஐத் தாண்டி, தென் பிராந்தியங்களில் 38°C முதல் 40°C வரை பதிவாகும் வாய்ப்பு உள்ளது.

அடுத்த வாரம் முழுவதும் வறண்ட மற்றும் வெயிலான வானிலை நீடிக்கும் என்று பெரும்பாலான வானிலை மாதிரிகள் கணிக்கின்றன. குறிப்பாக ஆகஸ்ட் 11 முதல் 14 வரை மிகவும் கவனிக்க வேண்டிய காலமாகக் கருதப்படுகிறது. இந்த நாட்களில் பருவகால சராசரியை விட 5°C முதல் 10°C வரை அதிக வெப்பநிலை நிலவும்.

வெப்பத்தின் துல்லியமான தீவிரம் இன்னும் உறுதியாகத் தெரியவில்லை என்றாலும், தென்மேற்கிலிருந்து வடகிழக்கு வரை பல பகுதிகள் இந்த வெப்பஅலையால் பாதிக்கப்படும் வாய்ப்பு அதிகம் என வானிலை நிபுணர்கள் எச்சரிக்கின்றனர். அதிகபட்ச வெப்பநிலை பல இடங்களில் 30°C முதல் 35°C வரையும், சில பகுதிகளில் 40°C வரையும் உயரக்கூடும்.

காலநிலை மாற்றத்தின் தாக்கத்தால்  வெப்பஅலைகள் அடிக்கடி மற்றும் அதிக தீவிரத்துடன் ஏற்பட்டு வருகின்றன. இதற்கு சான்றாக, 2026 ஜூலை மாதம் பிரான்சில் இதுவரை பதிவான மிகவும் அதிக வெப்பமுடைய ஜூலை மாதமாக விஞ்ஞானிகள் மதிப்பிட்டுள்ளனர்.