சிதையும் தமிழ் கலாசாரம்

சீர்மிகு தமிழினம் இன்று
சிதைந்ததை எண்ணித் துடிக்கையில்
விளைந்த தமிழ் மானமது
வீழ்ந்ததடா சாக்கடையிலே

மானத்திற்காய் உயிர்தந்த எம்
மாந்தையரோ மதிகெட்டு இன்று
மயங்கி வீழ்ந்தனரே
மேற்கத்திய நாகரிகத்தினிலே

கட்டிக்காத்த கலாசார நிலவதுவோ
கருமுகிலில் புகுந்து மறைகிறதே
சுதந்திரமாய் சுத்திவந்த தென்றலோ
சுத்தம் கழைந்து செல்கிறதே

பாவப்பட்ட மண்ணினிலே
பாவச்செயல்கள் எத்தனையோ
கருவைச் சுமந்த கன்னியரின்
கருகளைவுகள் எத்தனையோ

தொட்டிலிலே  தூங்க வேண்டிய திசுகளோ
தொட்டியிலே குப்பைத் தொட்டியிலே
தலை குனிந்து சென்ற பெண்களோ
தரம் கேட்டு சந்தையிலே மந்தைகளாய்

மதுவினிலே மயகியதால்
மானம்தனை மறந்துவிட்டான்
வீரத் தமிழ்மகனோ
வீதியிலே சுருண்டு வீழ்ந்துவிட்டான்

சீர்மிகு யாழ்குடா மண்ணதுவோ
சிங்கப்பூராய் மாறியதாம்
செல்வச் செழிப்பினிலே அல்ல
சீர்கெட்ட செயலினிலே ......

என் இளைய தலைமுறையே
எழுந்திடுவீர் விழித்து எழுந்திடுவிர்
தமிழ் இனம் காத்த பாரம்பரியத்தை
தலை நிமிர்ந்து காத்திடுவீர் காத்திடுவீர் .....

- வேலணையூர் சசிவா