எப்படி சொல்லுவேன்

ஆறு மாதங்கள் கண் இமைப்பதற்குள்
கடந்தன என சுற்றம் சொல்ல
எனக்கு அது ஆறு வருடம் போல்
ஊர்ந்ததை எப்படி சொல்லுவேன்

அனைவரையும் சேர்த்துவெச்ச அழகுநாச்சி நம்மை
ஆறு மாசம் பிரிச்ச கோவம்
இன்னும் எனக்கிருக்குனு, எப்படி சொல்லுவேன்

நேருல பாக்கல, கடிதமும் பகிரல
உன் குரல் கூட கேட்டதில்ல,
உன் மீது காதல் வசப்பட்டேனு, எப்படி சொல்லுவேன்

பரிசம் போடல , மெட்டி மாட்டல,
தாலி இன்னும் ஏறல, என் மனக்கூட்டில்
நீ கணவனான கதை
எப்படிடா வெளியே சொல்லுவேன் ???