தேசிய விருது கமலுக்கு கிடைக்குமா?

மணிரத்னம் இயக்கத்தில் கமல்ஹாசன், சிம்பு நடிக்கும் தக் லைப் படம் ஜூன் 5ம் தேதி ரிலீஸ். இதில் திரிஷா, அபிராமி, நாசர், ஜோஜு ஜார்ஜ், அசோக் செல்வன் உள்ளிட்ட பலர் நடித்துள்ளனர். ஏஆர் ரஹ்மான் இசையமைத்துள்ளார். படப்பிடிப்பு முடிந்து மற்ற பணிகள் நடக்கின்றன. இந்த படத்துக்காக இந்தியா மட்டுமல்ல ஆஸ்திரேலியா சென்றும் படக்குழு பல நிகழ்ச்சிகளை நடத்த உள்ளது.

இந்நிலையில் தக் லைப் பட டப்பிங் பணிகளில் கமல்ஹாசன் பிசியாக இருக்கிறாராம். தமிழ் மட்டுமல்ல மலையாளம், இந்தி, தெலுங்கிலும் அவரே டப்பிங் பேசுகிறாராம். மணிரத்னம் இயக்கிய நாயகன் படத்தில் நடித்த கமல்ஹாசனுக்கு தேசிய விருது கிடைத்தது. அந்த செண்டிமெண்ட், 36 ஆண்டுகளுக்குபின் தக் லைப் படத்திலும் நடக்குமா என ரசிகர்கள் ஆவலுடன் காத்திருக்கிறார்கள்.