உலக அளவில் ChatGPT செயலிழப்பு! இந்தியா, அமெரிக்க பயனர்கள் கடும் அவதி!

இந்தியாவிலும் அமெரிக்காவிலும், உலகெங்கிலும் உள்ள பயனர்களைப் பாதிக்கும் வகையில், பிரபலமான AI சாட்போட்டான ChatGPT ஒரு பெரிய செயலிழப்பை சந்தித்துள்ளது.

உலகம் முழுவதும் 10 கோடிக்கும் அதிகமான பயனர்களைக் கொண்ட முன்னணி செயற்கை நுண்ணறிவு செயலியான ChatGPT, சமீபத்தில் ஒரு குறிப்பிடத்தக்க உலகளாவிய செயலிழப்பை எதிர்கொண்டது.

இந்தத் தடையால், பல நாடுகளில் உள்ள ஆயிரக்கணக்கான பயனர்கள் அதன் சேவைகளை அணுக முடியாமல் போயினர். குறிப்பாக இந்தியா மற்றும் அமெரிக்காவிலிருந்து தான் பெரும்பாலான புகார்கள்  வெளி வந்துள்ளன.

நிகழ்நேர கண்காணிப்பு தளமான டவுன்டிடெக்டரின் (Downdetector) படி, ChatGPT செயலிழப்பு தொடர்பான பயனர் புகார்கள் இந்திய நேரப்படி பிற்பகல் 3:00 மணியளவில் கடுமையாக அதிகரித்தன.

இந்தியாவில் மட்டும் சுமார் 800 புகார்கள் பதிவாகியுள்ளன. இதில், சுமார் 88% புகார்கள் சாட்பாட் கேள்விகளுக்குப் பதிலளிக்கவில்லை என்பதையும், 8% பேர் மொபைல் செயலியில் சிக்கல்களை எதிர்கொண்டதாகவும் தெரிவித்தன.