Le bourgetஇல் மனிதக்கடத்தல் முயற்சி: இருவர் கைது!!
7 கார்த்திகை 2025 வெள்ளி 22:03 | பார்வைகள் : 5571
லு பூர்ஜெ (Le Bourget) நகரில் வியாழக்கிழமை மாலை மூன்று பேர் போலி போலீஸ் உடையில் ஒரு ஆணை கடத்த முயன்ற சம்பவம் பரபரப்பை ஏற்படுத்தியது. அவர்கள் "Police" எனும் கைப்பட்டைகள் அணிந்து, துப்பாக்கியுடன், ஒரு France Express வாகன ஓட்டுனரை வன்முறையாக வாகனத்திலிருந்து இழுத்து வெளியே எடுக்க முயன்றனர். சம்பவம் பொதுமக்கள் முன்னிலையில் நடந்தது, மேலும் வீடியோவில் அவர்கள் டிரைவரை அடித்து, அவரை வலுக்கட்டாயமாக காருக்குள் ஏற்ற முயல்வது பதிவாகியுள்ளது.
அந்த நேரத்தில் அருகில் இருந்த உண்மையான காவல் துறையினர் சம்பவ இடத்துக்கு விரைந்து, குற்றவாளிகளை துரத்தி இருவரை கைது செய்துள்ளனர்; மூன்றாவது நபர் தப்பி ஓடினார். கைதாகியவர்களிடம் ரோலெக்ஸ் கடிகாரம், மொபைல் போன், துப்பாக்கி, போலி “Police” கைப்பட்டைகள் மற்றும் கட்டுப் பொருட்கள் கைப்பற்றப்பட்டுள்ளன. பாதிக்கப்பட்டவர் முகத்தில் காயமடைந்ததால் மருத்துவமனைக்கு அனுப்பப்பட்டார். இந்த வழக்கு சீன்-செயிண்ட்-டெனி பிரிவுக்கு ஒப்படைக்கப்பட்டுள்ளது.
https://youtu.be/Np8URkGSd_o?si=OZfYtSorS_K_MOs7



