Paris நகரில் Rue de Turbigo பகுதியில் பெரிய தீ விபத்து!!

Paris நகரின் Rue de Turbigo மற்றும் Rue Étienne Marcel சந்திப்பில் உள்ள ஏழு மாடிக் கட்டிடத்தின் ஆறாம் மாடி குடியிருப்பில் திங்கட்கிழமை காலை சுமார் 10.30 மணியளவில் தீ விபத்து ஏற்பட்டது. தீ விபத்தின் காரணம் இதுவரை தெரியவில்லை.

தீ வேகமாக பரவி, கட்டிடத்தின் கூரையின் சுமார் 600 சதுர மீட்டர் பகுதி எரிந்து சேதமடைந்தது. தீயை கட்டுப்படுத்த 150 தீயணைப்பு வீரர்கள் மற்றும் 25 வாகனங்கள் ஈடுபட்டன; பெரிய ஏணிகள், நீர்த்தாரைகள் மற்றும் ட்ரோனும் பயன்படுத்தப்பட்டன.

உயிரிழப்பு எதுவும் இல்லை என அதிகாரிகள் தெரிவித்தனர். பிற்பகலில் தீ கட்டுப்பாட்டுக்குள் கொண்டுவரப்பட்டாலும், முழுமையாக அணைக்க நேரம் பிடிக்கும் என கூறப்பட்டது. அதிகளவு நீர் பயன்படுத்தப்பட்டதால், சில குடியிருப்பவர்கள் தங்கள் வீடுகளுக்கு உடனடியாக திரும்ப முடியாமல் இருக்கலாம்.