இதுவரை சிக்ஸரே அடிக்காத 3 பிரபல இந்திய வீரர்கள் - யார் தெரியுமா?

சர்வதேச கிரிக்கெட்டில் அதிக சிக்ஸர்கள் அடித்த வீரர்களின் பட்டியலில், 650 சிக்ஸர்களுடன் இந்திய வீரர் ரோஹித் சர்மா முதலிடத்தில் உள்ளார். இந்திய வீரர்களின் பட்டியலில், 359 சிக்ஸர்களுடன் தோனி 2வது இடத்திலும், 322 சிக்ஸர்களுடன் விராட் கோலி 3வது இடத்திலும் உள்ளனர்.

அதேபோல், ஒரே ஓவரில் 6 சிக்ஸர்கள் விளாசி யுவராஜ் சிங் சாதனை படைத்துள்ளார்.

ஆனால், 3 பிரபல இந்திய வீரர்கள் இதுவரை சர்வதேச ODI மற்றும் T20 போட்டிகளில் ஒரு சிக்ஸர் கூட அடித்ததில்லை என்ற மோசமான சாதனையை வைத்துள்ளனர்.

இந்திய அணியின் முன்னணி பந்துவீச்சாளராக இருந்த யுவேந்திர சாஹல், இதுவரை 72 ODI மற்றும் 80 சர்வதேச T20 போட்டிகளில் விளையாடியுள்ளார்.

சர்வதேச கிரிக்கெட்டில் 217 விக்கெட்டுகளை வீழ்த்தி இருந்தாலும், இதுவரை சர்வதேச போட்டிகளில் ஒரு சிக்ஸர் கூட அடிக்கவில்லை.

2023 ஆம் ஆண்டுக்கு பின்னர் அவருக்கு இந்திய அணியில் இடம் கிடைக்கவில்லை.

இந்திய அணியின் முக்கிய பந்துவீச்சாளராக உள்ள குல்தீப் யாதவ், இதுவரை 120 ODI, 53 T20, 17 டெஸ்ட் போட்டிகளில் விளையாடி, பந்துவீச்சில் பல சாதனைகளை படைத்துள்ளார்.

இவர் டெஸ்ட் போட்டிகளில் ஒரே ஒரு சிக்ஸர் அடித்திருந்தாலும், இதுவரை ODI மற்றும் T20 போட்டிகளில் ஒரு சிக்ஸர் கூட அடிக்கவில்லை.

இந்திய அணியின் பந்துவீச்சுக்கு முக்கிய பங்களிப்பு வழங்கிய இஷாந்த் சர்மா, இதுவரை 80 ODI, 14 T20, 105 டெஸ்ட் போட்டிகளில் விளையாடியுள்ளார்.  

இவரும் டெஸ்ட் போட்டியில் ஒரு சிக்ஸர் அடித்திருந்தாலும், இதுவரை ODI மற்றும் T20 போட்டிகளில் ஒரு சிக்ஸர் கூட அடிக்கவில்லை.

யுவேந்திர சாஹல் மற்றும் இஷாந்த் சர்மா தற்போது சர்வதேச போட்டிகளில் விளையாடுவதில்லை.

துடுப்பாட்டக்காரர்களை தனது சுழற்பந்து வீச்சில் திணறடிக்கும் குல்தீப் யாதவ் நடைபெற உள்ள T20 உலக கிண்ணத்தொடருக்கான இந்திய அணியில் இடம் பிடித்துள்ளார்.