அமெரிக்க நீதித்துறை தனது பணியை செய்ய வேண்டும்: Epstein விவகாரம் குறித்து மக்ரோன்!!

அமெரிக்க நீதித்துறை தனது பணியை செய்ய வேண்டும்: Epstein விவகாரம் குறித்து மக்ரோன்!!

9 மாசி 2026 திங்கள் 15:24 | பார்வைகள் : 2928


Jeffrey Epstein விவகாரம் தொடர்பாக, அமெரிக்க நீதித்துறை தனது கடமையை முழுமையாக செய்ய வேண்டும் என்று பிரான்ஸ் ஜனாதிபதி  எம்மானுவல் மக்ரோன் தெரிவித்துள்ளார். பிப்ரவரி 9 அன்று “Wine Paris” கண்காட்சியில் கலந்து கொண்ட போது, இந்த வழக்கில் உண்மை வெளிச்சத்திற்கு வர வேண்டும் என்றும் நீதித்துறை சுயாதீனமாக செயல்பட வேண்டும் என்றும் அவர் வலியுறுத்தியுள்ளார்.

இந்த விவகாரத்தில் பாதிக்கப்பட்டவர்களையே முதன்மையாக நினைப்பதாக கூறிய மக்ரோன், அவர்களைப் பற்றிய தகவல்கள் வெளிப்படையாக வெளியிடப்பட்டதை கண்டித்தார். அமெரிக்க நீதித்துறை அமைச்சகத்தால் வெளியிடப்பட்ட ஆவணங்களில், பெயர்கள், புகைப்படங்கள், வீடியோக்கள் மற்றும் படங்கள் இடம்பெற்று, பாதிக்கப்பட்டவர்களை அடையாளம் காணக்கூடிய நிலையில் இருந்ததாக அவர் குறிப்பிட்டார்.  குற்றவாளிகள் சட்டத்தின் முன் நிறுத்தப்பட வேண்டும் என்றும் அவர் தெரிவித்துள்ளார்.

2019 ஆம் ஆண்டு சிறையில் மரணமடைந்த ஜெஃப்ரி எப்ஸ்டீன், பெண்கள் மற்றும் சிறார்களை பாலியல் சுரண்டல் செய்த ஒரு பரந்த வலையமைப்பை உருவாக்கியதாக குற்றம் சாட்டப்பட்டிருந்தார். இது முக்கியமாக அமெரிக்காவைச் சார்ந்த விவகாரம் என்பதால், அங்குள்ள நீதித்துறை அமைதியுடனும் பொறுப்புடனும் தனது பணியை செய்ய வேண்டும் என்று எம்மானுவல் மக்ரோன் மீண்டும் வலியுறுத்தினார்.

தொடர்ந்து படிக்க