விளம்பரம் KBis தேவைகளை குறைந்த கட்டணத்தில் பெ...

ராமதாஸ் பெயரில் புதுக்கட்சி உதயம் !

11 மாசி 2026 புதன் 14:36 | பார்வைகள் : 1912

பா.ம.க., நிறுவனர் ராமதாஸ் ஆதரவாளர், 'அய்யா பாட்டாளி மக்கள் கட்சி' என்ற பெயரில், புதுக்கட்சி துவக்கி இருப்பதாக, தகவல் வெளியாகி உள்ளது.

ராமதாஸ் - அன்புமணி இடையே ஏற்பட்ட மோதலில், பா.ம.க., உடைந்தது. ஆனால், கட்சியும், மாம்பழ சின்னமும் அன்புமணிக்கு தான் சொந்தம் என, தேர்தல் கமிஷன், நீதிமன்றம் அறிவித்துள்ளன. இதனால் கோபமடைந்த ராமதாஸ், வரும் தேர்தலில், அன்புமணிக்கு எதிராக தன் ஆதரவாளர்களை களமிறக்க ஆலோசித்து வருகிறார்.

இந்நிலையில், அவரது அணியின் தலைமை நிலையச் செயலர் அன்பழகனின் மகன் முகிலன், தன் தலைமையில், 'அய்யா பாட்டாளி மக்கள் கட்சி' என்ற பெயரில், புதிய கட்சியை உருவாக்கி உள்ளார்.

பா.ம.க., கொடியில் ராமதாஸ் படத்தை வைத்து, கொடி தயார் செய்யப்பட்டுள்ளது. இந்த கட்சியை பதிவு செய்ய, தேர்தல் கமிஷனிடம் கடிதம் கொடுக்கப்பட்டுள்ளது. இதற்கு ராமதாஸ் ஆதரவு உள்ளதா என்பது தெரியவில்லை.