Val-d’Oise பகுதியில் 12 மோட்டோகிராஸ் வாகனங்கள் பறிமுதல்!!

Val-d’Oise பகுதியில் சட்டவிரோத மோட்டார் சாகசங்களை கட்டுப்படுத்தும் நடவடிக்கையாக, Frépillon காவல்துறையினர் திடீர் சோதனை நடத்தினர். இதில் பதிவு செய்யப்படாத 12 மோட்டோகிராஸ் வாகனங்கள் பறிமுதல் செய்யப்பட்டன. சிலர் “வீலிங்” போன்ற ஆபத்தான சாகசங்களில் ஈடுபட்டிருந்தனர், இதனால் பொதுமக்கள் பாதுகாப்பு ஆபத்தில் இருந்தது.

இந்த நடவடிக்கை, தேசிய காவல்துறை மற்றும் ஜொன்தாமெரியுடன் இணைந்து நடைபெறும் விரிவான திட்டத்தின் ஒரு பகுதியாகும். 2026 ஆண்டு தொடக்கம் முதல் 50 வாகனங்கள் ஏற்கனவே பறிமுதல் செய்யப்பட்டுள்ளன. 2025 ஆம் ஆண்டில் மட்டும் 259 வாகனங்கள் சாலையில் இருந்து அகற்றப்பட்டுள்ளன.

இவ்வகை சட்டவிரோத சாகசங்கள் சத்தமூட்டலுக்கு மட்டும் அல்லாமல், கடுமையான விபத்துகளுக்கும் வழிவகுக்கின்றன. 2025 ஆம் ஆண்டு நடந்த ஒரு சம்பவத்தில், காவல்துறையினரை நோக்கி மோட்டோகிராஸ் ஓட்டிய இளைஞர் ஒருவர் கைது செய்யப்பட்டார்; இதில் அதிகாரிகள் காயமடையும் நிலையும் ஏற்பட்டது.