KKR-க்கு இரண்டாவது தோல்வி - SRH புள்ளிப் பட்டியலில் முன்னேற்றம்

IPL 2026 தொடரில் கொல்கத்தா நைட் ரைடர்ஸ் (KKR) அணி தனது இரண்டாவது தோல்வியை சந்தித்துள்ளது.

சன்ரைசர்ஸ் ஹைதராபாத் (SRH) அணி 65 ஓட்டங்கள் வித்தியாசத்தில் வெற்றி பெற்று, புள்ளிப் பட்டியலில் முன்னேற்றம் கண்டுள்ளது.

கொல்கத்தாவில் நடைபெற்ற ஆட்டத்தில் SRH முதலில் பேட்டிங் செய்து 20 ஓவர்களில் 226 ஓட்டங்கள் குவித்தது.

டிராவிஸ் ஹெட் (46) மற்றும் அபிஷேக் சர்மா (48) ஆகியோர் 82 ஓட்டங்கள் கூட்டணி அமைத்து வலுவான தொடக்கத்தை வழங்கினர்.

பின்னர் ஹெய்ன்ரிக் கிளாசன் (52) மற்றும் நிதிஷ் குமார் ரெட்டி (39) வேகமான ஓட்டங்கள் சேர்த்து அணியை பெரிய இலக்கை நோக்கி அழைத்துச் சென்றனர்.

பதில் ஆட்டத்தில் KKR அணி 16 ஓவர்களில் 161 ஓட்டங்களுக்கு ஆல்-அவுட் ஆனது.

அங்க்ரிஷ் ரகுவன்ஷி 29 பந்துகளில் 52 ஓட்டங்கள் குவித்தார். ஆனால் மற்ற வீரர்கள் பெரிதாக பங்களிக்கவில்லை. SRH பந்துவீச்சில் ஜெயதேவ் உனட்கட் (3/21), நிதிஷ் குமார் ரெட்டி (2/17), ஈஷான் மலிங்கா (2/14) ஆகியோர் சிறப்பாக விளையாடினர்.

இந்த வெற்றியால் SRH புள்ளிப் பட்டியலில் 6-வது இடத்திற்கு முன்னேறியது. KKR அணி 9-வது இடத்தில் தங்கி உள்ளது.