அவதானம்: Airbnb, Booking, Expedia பெயரில் அதிகரிக்கும் இனணயத்தள மோசடிகள்!!

Expedia, Airbnb மற்றும் Booking.com போன்ற விடுதி மற்றும் பயண முன்பதிவு தளங்களை போலியாக உருவாக்கி மோசடி செய்வது அதிகரித்து வருகிறது. சமீபத்தில் இங்கிலாந்தைச் சேர்ந்த ஒரு முதிய தம்பதியினர் Expedia தளத்தில் விமான டிக்கெட் முன்பதிவு செய்ததாக நினைத்து சுமார் 2,500 பவுண்டுகள் செலுத்தினர். ஆனால் அவர்கள் விமான நிலையம் சென்றபோது அந்த முன்பதிவு இல்லை என்று தெரிய வந்தது, ஏனெனில் அவர்கள் பயன்படுத்தியது ஒரு போலி இணையதளமாகும்.

இந்த வகை மோசடிகள் அதிகரித்து வருவதாக ஆய்வுகள் கூறுகின்றன. Airbnb க்காக OpinionWay நடத்திய ஆய்வின் படி, பிரான்சில் சுமார் 48% மக்கள் இத்தகைய மோசடியில் பாதிக்கப்பட்டிருக்கிறார்கள் அல்லது பாதிக்கப்பட்டவர்களை அறிவார்கள். சராசரியாக 2,700 யூரோ வரை இழப்பு ஏற்படுகிறது. 

Booking.com மற்றும் SNCF போன்ற நிறுவனங்களின் பெயரிலும் போலி தளங்கள் உருவாக்கப்பட்டு பயனர்களை ஏமாற்றிய சம்பவங்களும் பதிவாகியுள்ளன. இதிலிருந்து பாதுகாப்பாக இருக்க,

• முன்பதிவு செய்யும் முன் இணையதளத்தின் URL முகவரியை கவனமாக சரிபார்க்க வேண்டும். 
• SMS அல்லது மின்னஞ்சலில் வரும் சந்தேகமான இணைப்புகளை கிளிக் செய்யக் கூடாது மற்றும் மிகவும் மலிவு சலுகைகளை எச்சரிக்கையாக பார்க்க வேண்டும். 
• புகைப்படங்களை reverse image search மூலம் சரிபார்க்க Google Lens போன்ற கருவிகளை பயன்படுத்தலாம். 
• சந்தேகம் இருந்தால் அந்த தளத்தின் அதிகாரப்பூர்வ இணையதளம் அல்லது பயன்பாட்டின் மூலம் மட்டுமே பரிவர்த்தனை செய்ய வேண்டும்.