படிப்படியான ஓய்வு - வேலை இழந்தால் என்ன நடக்கும்? - நடைமுறை விளக்கம்

படிப்படியான ஓய்வு (Retraite progressive)  என்பது பகுதி நேர வேலை + பகுதி ஓய்வூதியம் ஆகியவற்றை இணைக்கும் ஒரு திட்டம்.
ஆனால் வேலை இழப்பு ஏற்பட்டால் இந்த திட்டம் எப்படி பாதிக்கப்படும்?

பகுதி ஓய்வூதியம் நிறுத்தப்படுமா? வேலை இழப்பு நிவாரணம் கிடைக்குமா?
அனைத்தும் உங்கள் நிலை மற்றும் மேற்கொள்ளும் நடவடிக்கைகளின் அடிப்படையில் மாறுபடும்.

படிப்படியான ஓய்வு (Retraite progressive) எதன் மீது அடிப்படையாக உள்ளது?

இந்த திட்டத்தின் முக்கிய நிபந்தனை:

பகுதி நேர வேலை (40%–80% இடைப்பட்ட வேலை நேரம்)

இதன் மூலம் நீங்கள்

→ பகுதி ஓய்வூதியம் பெறலாம்  
→ அதே நேரத்தில் தொடர்ந்து  பங்களிப்பு (cotiser) செய்யலாம்

வேலை இழந்தால் இந்த அடிப்படை நிபந்தனை மறைந்து விடுகிறது.

வேலை இழந்தால் என்ன ஆகும்? 
 

திட்டம் தானாக நிறுத்தப்படும்

நீங்கள்:

பணிநீக்கம் (licenciement)

ஒப்பந்த முடிவு

rupture conventionnelle

எதுவாக இருந்தாலும்,

படிப்படியான ஓய்வு (Retraite progressive)தானாகவே நிறுத்தப்படும்.

ஏனெனில் இந்த திட்டம் செயலில் உள்ள வேலை மீது மட்டுமே அமைகிறது. வேலை இல்லாமல் பகுதி ஓய்வூதியம் + செயல்பாடு என்ற இணைப்பு சாத்தியமில்லை.

வேலை இழப்பு நிவாரணம் (chômage) பெற முடியுமா?

ஆம், சில நிபந்தனைகளின் கீழ்.

நீங்கள் வேலை இழப்பு நிவாரணத்திற்கான தகுதிகளை பூர்த்தி செய்தால்:

ARE (allocations chômage) பெறலாம்

ஆனால்:

நீங்கள் ஏற்கனவே பகுதி ஓய்வூதியம் பெறுவதால்

ஓய்வூதியம் + chômage இணைப்பு விதிகள்

→ தனிப்பட்ட ஆய்வு தேவைப்படும்
→ ஒவ்வொருவருக்கும் மாறுபடும்

மீண்டும் படிப்படியான ஓய்வு (Retraite progressive)  பெற முடியுமா?

பெறமுடியும்

நீங்கள் மீண்டும்:

40%–80% வேலை நேரத்துடன் பகுதி நேர வேலை தொடங்கினால்

➡️  படிப்படியான ஓய்வு (Retraite progressive) மீண்டும் பெறலாம்.
➡️ ஆனால் புதிய விண்ணப்பம் ஓய்வூதிய நிதியிடம் செய்ய வேண்டும்.

முழு ஓய்வூதியத்திற்கு செல்ல முடியுமா?

நீங்கள் சட்டப்படி ஓய்வு பெறும் வயதிற்கு அருகில் இருந்தால்

தேவையான trimestres ஏற்கனவே இருந்தால்

➡️ முழு ஓய்வூதியத்திற்கு செல்ல முடியும்.

இந்த நிலையில்:

படிப்படியான ஓய்வு (Retraite progressive)  காலத்தில் செய்த வேலை
→ புதிய கணக்கீட்டில் சேர்க்கப்படும்

அந்த காலத்தில் cotiser செய்த trimestres
→ நிலையானவை  
→ இறுதி ஓய்வூதியத்தில் கணக்கில் கொள்ளப்படும்

வேலை நிறுத்தம் → புதிய உரிமைகள் சேராது
வேலை நிறுத்தப்பட்டவுடன் புதிய trimestres சேராது

ஆனால் chômage நிவாரணம் கிடைத்தால்
→ சில trimestres கணக்கில் கொள்ளப்படும்