பணவீக்கம் காரணமாக, குறைந்தபட்ச சம்பளம் அதிகரிப்பு!!

2026 ஏப்ரலில், Insee தரவுகளின்படி வருடாந்திர பணவீக்கம் 2.2% ஆக உயர்ந்துள்ளது. இதனால், ஜூன் 1 முதல் SMIC (குறைந்தபட்ச ஊதியம்) குறைந்தது 2% உயர வாய்ப்பு உள்ளது. இந்த உயர்வு, மே 13 அன்று பணவீக்கம் உறுதியாகும் பட்சத்தில் தானாக அமுலுக்கு வரும்.

பொருளாதார அமைச்சர் ரோலான் லெஸ்கூர் கூறியதன்படி, இந்த உயர்வு அரசின் கூடுதல் உதவியின்றி நடைமுறைக்கு வரும். இதனால், ஊழியர்களுக்கு மாதத்திற்கு சுமார் 30 முதல் 35 யூரோ வரை கூடுதல் வருமானம் கிடைக்கும்.

பொதுவாக, SMIC ஒவ்வொரு ஆண்டும் ஜனவரி 1 அன்று புதுப்பிக்கப்படுகிறது. இது குறைந்த வருமானம் கொண்ட குடும்பங்களின் வாழ்வாதாரச் செலவுகள் மற்றும் தொழிலாளர்களின் ஊதிய கொள்முதல் திறன் ஆகியவற்றின் அடிப்படையில் கணக்கிடப்படுகிறது. மேலும், பணவீக்கம் 2% ஐ கடந்தால், ஆண்டு நடுப்பகுதியிலும் தானியங்கி உயர்வு வழங்கப்படும்.

மத்திய கிழக்கு போரின் தாக்கத்தால் பணவீக்கம் அதிகரித்துள்ளதாக Insee தெரிவித்துள்ளது. ஏப்ரலில் பணவீக்கம் 2.2% ஆக இருந்தது, இது முந்தைய மாதங்களை விட அதிகம். இருந்தாலும், ஐரோப்பிய ஒன்றிய சராசரியை விட பிரான்சில் பணவீக்கம் குறைவாகவே உள்ளது.