எரிபொருள் விலை உயர்வை கட்டுப்படுத்த அரசு அழைப்பு – TotalEnergies மீது அழுத்தம் அதிகரிப்பு!!

பிரதமர் Sébastien Lecornu, எரிபொருள் விலைகளின் அதிகரிப்பை சமாளிக்க TotalEnergies நிறுவனத்தை எரிபொருள் நிலையங்களில் விலைகளை உச்சவரம்புக்குள் வைத்திருக்க அழைத்துள்ளார். கச்சா எண்ணெய் விலை உயர்வால் கிடைத்த அதிக லாபத்தை மக்களிடம் மீண்டும் பகிர்ந்தளிக்க இது உதவும் என அவர் குறிப்பிட்டார். இந்த நிலையில், நுகர்வோருக்கு நிவாரணம் அளிக்கும் ஒரு நடைமுறை தீர்வாக விலை கட்டுப்பாடு கருதப்படுகிறது.

இந்த ஆண்டின் முதல் காலாண்டில் TotalEnergies நிறுவனத்தின் நிகர லாபம் 51% அதிகரித்துள்ளது. மத்திய கிழக்கில் ஏற்பட்ட மோதலால் எண்ணெய் மற்றும் எரிபொருள் விலைகள் உயர்ந்ததே இதற்கு காரணமாகும். அரசியல் வட்டாரங்களில், குறிப்பாக இடதுசாரி கட்சிகள், இந்த அதிக லாபத்திற்கு வரி விதிக்க வேண்டும் என்ற கோரிக்கையை முன்வைத்துள்ளன. Rassemblement National கட்சியும், தேவையெனில் வரி விதிப்பை ஆதரிக்கும் நிலைப்பாட்டை எடுத்துள்ளதாக Marine Le Pen தெரிவித்துள்ளார்.

தற்போது TotalEnergies நிறுவனம் பெட்ரோல் விலையை லிட்டருக்கு 1.99 யூரோவும், டீசல் விலையை 2.09 யூரோவும் நிர்ணயித்துள்ளது. மத்திய கிழக்கு நெருக்கடி நீடிக்கும் வரை இந்த கொள்கை தொடரும் என அறிவிக்கப்பட்டுள்ளது. அதேசமயம், நிதி நிலை கட்டுப்பாடுகளால் அரசு பாதிக்கப்பட்ட துறைகளுக்கு குறிவைத்த நிதி உதவிகளை மட்டுமே வழங்கி வருகிறது; யுத்த நிலை நீடித்தால் இந்த உதவித் திட்டங்களில் மாற்றங்கள் செய்யப்படும் என பிரதமர் உறுதியளித்துள்ளார்.