ஈரான் போரின் விளைவுகள் - நுகர்வோர் பொருட்களின் விலை உயர்வு!

ஹோர்முஸ் நீரிணை மூடல்–திறப்பு நிலை, சக்திவள சந்தை பதற்றம் மற்றும் ஈரான் போரின் தாக்கத்தால் பிரான்சில் நுகர்வோர் பொருட்களின் விலை உயர்வைச் சுற்றியுள்ள பொருளாதார மதிப்பீடு.

ஈரானில் நடைபெறும் போர் மற்றும் ஹோர்முஸ் நீரிணையின் மீண்டும் மீண்டும் மூடப்படுதல் காரணமாக,பிரான்சில் நுகர்வோர் பொருட்களின் விலை 4–5% வரை உயரக்கூடும் என UFC–Que Choisir நுகர்வு கண்காணிப்பு மையம் எச்சரித்துள்ளது.

இந்த உயர்வு உடனடி அல்ல, ஆனால் அடுத்த சில மாதங்களில் படிப்படியாக உணரப்படும்.

விலை உயர்வின் காரணிகள்

UFC–Que Choisir இயக்குநர் கிறொகரி கரெத் (Grégory Caret) :

ஒவ்வொரு ஆண்டும் 1 மார்ச் அன்று தொழில்துறை நிறுவனங்களும் பெரிய வணிக சங்கங்களும், வருடாந்திர விலை ஒப்பந்தங்களை கையெழுத்திடுகின்றன.

ஆனால், சக்திவள விலை மற்றும் உர விலை திடீரென உயர்ந்தால்,விலை ஒப்பந்தங்களில் உள்ள கட்டாய மறுபரிசீலனை விதிகள் செயல்படும்.

இதனால், உற்பத்தி செலவுகள் உயர்ந்தால், அது நேரடியாக நுகர்வோர் விலைகளில் பிரதிபலிக்க வேண்டும்.

என விளக்கியுள்ளார்.

விலை உயர்வு முதலில் தாக்கும் பிரிவுகள்:

பால் பொருட்கள்

புதிய உணவுப் பொருட்கள்

குறுகிய காலப் பயன்பாட்டு பொருட்கள்  
(உதா: தயிர், பால், க்ரீம், சீஸ்)

இவை அதிக சுழற்சி விகிதம் (taux de rotation) கொண்டவை என்பதால்,
விலை மாற்றம் விரைவாகப் பிரதிபலிக்கும்.

“பிரான்ஸ் தயாரிப்பு” வாங்கினாலும் விலை குறையாது
உள்ளூர் உற்பத்தி செய்யப்பட்ட பொருட்களும் விலை உயர்விலிருந்து தப்ப முடியாது:

பிரான்சின் மிகப்பெரிய பால் நிறுவனமான Lactalis  போர் காரணமாக எரிபொருள் மற்றும் போக்குவரத்து செலவுகள் உயர்ந்ததால்,
விலையை அதிகரிக்க வேண்டிய நிலை ஏற்பட்டுள்ளதாக அறிவித்துள்ளது.

நிறுவனங்கள், தயாரிப்பு வகைகளின் அடிப்படையில் உயர்வை குறைந்தபட்சமாக வைத்திருக்க முயற்சிப்பதாக தெரிவித்துள்ளன.

நீண்டகாலப் பயன்பாட்டு பொருட்களும் பாதிப்பு. காலாவதி தேதியில்லாத பொருட்களும் பாதுகாப்பில் இல்லை.

சுகாதாரம் மற்றும் அழகு பொருட்கள்  

இவற்றின் தயாரிப்பில் ஹைட்ரோகார்பன்கள் அதிகம் பயன்படுத்தப்படுகின்றன. பிளாஸ்டிக், பெட்டகள் பொதிகள் வடிவமைப்பு, இரசாயனக் கூறுகள் அனைத்தும்
பெட்ரோல் விலை உயர்வால் நேரடியாக பாதிக்கப்படும். இதனால், இந்தப் பிரிவுகளிலும் விலை உயர்வு தவிர்க்க முடியாது.

UFC–Que Choisir இயக்குநரின் மதிப்பீடு:

ஈரான் போரின் தாக்கம், உக்ரைன் போரின் தாக்கத்தை விட குறைவாக இருக்கும்

2022–2023 காலத்தில் உக்ரைன் போருக்குப் பிறகு, 20–25% வரை விலை உயர்வு ஏற்பட்டது

தற்போதைய உயர்வு  4–5% மட்டுமே என கணிக்கப்பட்டுள்ளது

இதனால், நுகர்வோர் மீது ஏற்படும் அழுத்தம், முந்தைய நெருக்கடியை விட குறைவாக இருக்கும் என மதிப்பிடப்படுகிறது.

ஈரான் போரின் பொருளாதார விளைவுகள் பிரான்சில் , உணவுப் பொருட்கள், பால் பொருட்கள், சுகாதார–அழகு பொருட்கள் ஆகியவற்றில் 4–5% விலை உயர்வு

உயர்வு படிப்படியாக நடைபெறும். உற்பத்தி மற்றும் போக்குவரத்து செலவுகள் உயர்வே முக்கிய காரணம்.

உக்ரைன் போருக்குப் பிறகு ஏற்பட்ட அதிர்ச்சியைப் போல, அதிக அளவிலான உயர்வு எதிர்பார்க்கப்படவில்லை