"Test Cédric" அறிவிப்பால் Crédit Agricole வாடிக்கையாளர்கள் குழப்பம்: வங்கி சேவைகள் பாதிப்பு!!

இன்று, Crédit Agricole வங்கியின் "Ma Banque" செயலியைப் பயன்படுத்தும் கோடிக்கணக்கான வாடிக்கையாளர்கள் "Test Cédric" என்ற தலைப்பில் ஒரு விசித்திரமான அறிவிப்பைப் பெற்றனர். அதைக் கிளிக் செய்தபோது எந்த தகவலும் கிடைக்காமல் பிழைச் செய்தி மட்டும் தோன்றியது.

இந்த அறிவிப்பு உண்மையில் வங்கியின் உள்துறை சோதனைக்காக உருவாக்கப்பட்டதாகும். ஆனால் அது தவறுதலாக அனைத்து வாடிக்கையாளர்களுக்கும் அனுப்பப்பட்டதால், ஏராளமானோர் ஒரே நேரத்தில் செயலியை அணுக முயன்றனர்.

இதன் விளைவாக செயலி, இணையதளம் மற்றும் சில வங்கி சேவைகளில் தற்காலிக அணுகல்களில் சிக்கல்கள் ஏற்பட்டன. சேவை கண்காணிப்பு தளமான Downdetector-இல் ஆயிரக்கணக்கான புகார்கள் பதிவாகின.

இந்நிலையில், வங்கியின் தகவல் அமைப்புகள் அல்லது வாடிக்கையாளர் தரவுகள் எந்த வகையிலும் பாதிக்கப்படவில்லை என்று Crédit Agricole உறுதியளித்துள்ளது. பிரச்சினையை விரைவாக சரிசெய்ய அனைத்து தொழில்நுட்பக் குழுக்களும் செயல்பட்டு வருவதாகவும், ஏற்பட்ட அசௌகரியத்திற்கு வாடிக்கையாளர்களிடம் மன்னிப்பு கோருவதாகவும் தெரிவித்துள்ளது.