Google இலவச ஸ்டோரேஜ் 5GB-ஆக குறைப்பு - புதிய பயனர்களுக்கு அதிர்ச்சி

Google தனது இலவச ஸ்டோரேஜ் கொள்கையில் பெரிய மாற்றத்தை அறிவித்துள்ளது.

இதுவரை Gmail, Drive மற்றும் Photos ஆகியவற்றில் 15GB இலவச ஸ்டோரேஜ் வழங்கப்பட்டு வந்தது.

ஆனால், புதிய கணக்குகள் உருவாக்கும் பயனர்களுக்கு இனி 5GB மட்டுமே வழங்கப்படும்.

புதிய Gmail கணக்குகளைத் தொடங்கும் போது, “உங்கள் கணக்கில் 5GB சேமிப்பு உள்ளது. மேலும் 15GB பெற, உங்கள் கைபேசி எண்ணைச் சேர்க்கவும்” என்ற அறிவிப்பு காட்டப்படுகிறது.

இதன் மூலம், முழு 15GB பெற கைபேசி எண் சரிபார்ப்பு அவசியம் என Google தெரிவித்துள்ளது.

Google அளித்துள்ள விளக்கத்தின்படி, இந்த நடவடிக்கை bot-கள் மற்றும் போலி கணக்குகளைத் தடுக்கும் நோக்கத்துடன் எடுக்கப்பட்டுள்ளது. இருப்பினும், பல பயனர்கள் தங்கள் தனியுரிமை குறித்த கவலைகளை வெளிப்படுத்தியுள்ளனர்.

கைபேசி எண் வழங்குவது, தரவு கண்காணிப்பு மற்றும் தவறான பயன்பாட்டுக்கு வழிவகுக்கும் என விமர்சகர்கள் எச்சரிக்கின்றனர்.

தற்போதைய கணக்குகள் பாதிக்கப்படவில்லை. ஆனால், புதிய பயனர்கள் 5GB-இல் தொடங்கி, பின்னர் கைபேசி எண்ணைச் சேர்த்து 15GB-ஐ பெறலாம்.