பேருந்து, Métro, RER - விரைவில் வங்கி அட்டையையே பயணச்சீட்டாக பயன்படுத்த முடியும்!

Île‑de‑France Mobilités (IDFM) தலைவர் வலெரி பெக்ரெஸ்பயனர்கள் தங்கள் வங்கி அட்டைகளைப் பயணச் சீட்டுகளாகப் பயன்படுத்த அனுமதிக்கும் Open Payment  என்ற பயணச்சீட்டு முறையை அறிமுகப்படுத்துவதாக அறிவித்துள்ளார். 2026-ஆம் ஆண்டு கோடைக்காலத்திற்குள், அனைத்துப் பேருந்து வழித்தடங்களிலும் இதற்கேற்ற சரிபார்ப்புக் கருவிகள் பொருத்தப்பட்டிருக்க வேண்டும்.

எப்படி செயல்படும்?

Open Payment மூலம் :

முன்பே பயணச்சீட்டு வாங்க வேண்டியதில்லை

பயணித்த பிறகு தானாகவே மிகச் சலுகை விலை கணக்கிடப்படும்

கட்டுப்பாட்டில், வங்கி அட்டையை காட்டினால் போதும்.

செலவுகளின் விவரம் பின்னர், போக்குவரத்து நிறுவனத்தின் இணையதளத்தில் கிடைக்கும்

லண்டனில் பெரிய வெற்றி

2012‑ல் லண்டனில் அறிமுகம்

2019‑க்குள் 55% பயணக் கட்டணங்கள் Open Payment மூலம் செலுத்தப்பட்டன

தற்போது மிலான், சிட்னி, லாஸ் ஏஞ்சல்ஸ் போன்ற நகரங்களிலும் பயன்பாட்டில்

Île‑de‑France‑ல் என்ன மாறும்?

இப்போது :

சில பேருந்து வழித்தடங்களில் மட்டுமே கிடைக்கிறது

2026 கோடைக்குள் :

100% பேருந்துகளிலும் Open Payment செல்லுபடியாகும்

பின்னர் மெட்ரோ மற்றும் RER வழித்தடங்களிலும் படிப்படியாக விரிவாக்கம் பெறும்.

முதலில் சுற்றுலாப் பயணிகள் அதிகம் பயன்படுத்தும் வழித்தடங்கள் முன்னுரிமை பெறும்