வருடாந்த மற்றும் 62 வயதுக்கு மேற்பட்டோருக்கான Navigo ஆகியவை தற்போது ஸ்மார்ட்போன்களில்!!

இன்று முதல் Android ஸ்மார்ட்போன்களில் வருடாந்த Navigo (le Navigo annuel) மற்றும் le Navigo senior பாஸ்கள் கிடைக்கத் தொடங்கியுள்ளன. ஆனால், iPhone பயனர்கள் இந்த வசதியைப் பெற செப்டம்பர் மாதம் வரை காத்திருக்க வேண்டும். இதனால், வழக்கமாக பயன்படுத்தப்படும் பிளாஸ்டிக் Navigo அட்டையை எடுத்துச் செல்ல வேண்டிய அவசியம் இருக்காது.

போக்குவரத்து அட்டைகளின் டிஜிட்டல் மாற்றத்தின் அடுத்த கட்டமாக, பயணிகள் இனி RER மற்றும் மெட்ரோ நுழை வாயில்களில் தங்களது அட்டையை காட்டாமல், ஸ்மார்ட்போன் அல்லது இணக்கமான ஸ்மார்ட் கைக்கடிகாரங்களை (montre connectée) வாசிப்புக் கருவியில் (validator) தொட்டு கதவுகளைத் திறக்க முடியும்.

62 வயதுக்கு மேற்பட்டோருக்கான அரை விலையிலான Senior Navigo பாஸும் இன்று முதல் Android சாதனங்களில் டிஜிட்டல் வடிவில் பயன்படுத்தக் கிடைக்கிறது.

இந்த மாற்றத்தைச் செய்ய Île-de-France Mobilités செயலியில் உள்ள தனிப்பட்ட கணக்கில் (espace personnel) "Mes contrats sur mon téléphone" என்ற பகுதியைத் தேர்ந்தெடுத்தால் போதும். முழு செயல்முறையும் இரண்டு நிமிடங்களுக்குள் முடிவடையும் என IDFM தெரிவித்துள்ளது. இதற்காக, உங்கள் உள்நுழைவு விவரங்கள் (பயனர் பெயர் மற்றும் கடவுச்சொல்) நினைவில் இருக்க வேண்டும்.

மாற்றும் நடைமுறை

1. முதலில் "Transférer mon Navigo annuel" என்ற விருப்பத்தைத் தேர்ந்தெடுக்க வேண்டும். அது தோன்றவில்லை என்றால், Île-de-France Mobilités செயலியைப் புதுப்பிக்க வேண்டும்.
2. பின்னர், உங்கள் Navigo அட்டையை Android ஸ்மார்ட்போனின் பின்புறத்தில் வைக்க வேண்டும்.
3. உங்கள் சுயவிவரத்தில் புகைப்படம் இல்லையெனில் அதைச் சேர்க்க வேண்டும். (பயணச் சோதனையின்போது இது கட்டாயமாக இருக்கும்.)
4. இறுதியாக, மீண்டும் அட்டையை தொலைபேசியின் பின்புறத்தில் வைத்து, பழைய பிளாஸ்டிக் அட்டையை செயலிழக்கச் செய்து, மாற்றும் செயல்முறையை நிறைவு செய்ய வேண்டும்.

இந்த புதிய வசதியை சுமார் 1.3 மில்லியன் சந்தாதாரர்கள் தங்கள் பயண அட்டைக்குப் பதிலாக ஸ்மார்ட்போன்களைப் பயன்படுத்தும் இந்தப் புதிய பழக்கத்தைக் கடைப்பிடிக்க முடியும். 

ஏற்கனவே, காகித டிக்கெட்டுகள் நீக்கப்பட்டதையடுத்து, தனித்தனி பயண டிக்கெட்டுகள், ஒரு நாளுக்கான Navigo, வாரம், மாதம் பாஸ்கள் மற்றும் Liberté+ போன்ற சேவைகள் Android மற்றும் iPhone ஆகிய இரண்டிலும் டிஜிட்டல் வடிவில் கிடைக்கின்றன. Île-de-France Mobilités வெளியிட்டுள்ள தகவலின்படி, தற்போது 99.9% பயண டிக்கெட்டுகள் டிஜிட்டல் முறையில் சரிபார்க்கப்படுகின்றன.

ஆனால், பாடசாலை மாணவர்கள், கல்லூரி மாணவர்கள் மற்றும் 26 வயதிற்குட்பட்ட பயிற்சியாளர்களுக்கான Imagine R பாஸை மொபைலில் பயன்படுத்த இன்னும் காத்திருக்க வேண்டும். அந்த வசதி 2027 கல்வியாண்டு தொடக்கத்தில் மட்டுமே அறிமுகப்படுத்தப்படும்.