லஹிரு உதாரா அதிரடி சதம் - முதல் இலங்கை வீரராக படைத்துள்ள சாதனை

இலங்கை டெஸ்ட் கிரிக்கெட் எந்த வீரரும் செய்யாத சாதனையை லஹிரு உதாரா படைத்துள்ளார்.

மேற்கிந்திய தீவுகளுக்கு சென்றுள்ள இலங்கை கிரிக்கெட் அணி, 3 T20, 2 டெஸ்ட், 3 ஒருநாள் போட்டிகள் கொண்ட தொடரில் விளையாடி வருகிறது.

ஒருநாள் தொடரை 1-0 என்ற கணக்கில் இலங்கையும், டி20 தொடரை 2-1 என்ற கணக்கில் மேற்கிந்திய தீவுகளும் கைப்பற்றியுள்ளது.

முதல் டெஸ்டில் மேற்கிந்திய தீவுகள் வெற்றி பெற்ற நிலையில் 2வது டெஸ்ட் நேற்று சர் விவியன் ரிச்சர்ட்ஸ் மைதானத்தில் தொடங்கியது.

நாணய சுழற்சியில் வென்ற இலங்கை அணி முதலில் துடுப்பாட்டத்தை தேர்வு செய்தது.

முதல் நாள் ஆட்டநேர முடிவில் இலங்கை அணி 5 விக்கெட்டுகள் இழப்பிற்கு 338 ஓட்டங்கள் குவித்துள்ளது.

இலங்கை தரப்பில் அதிகபட்சமாக தொடக்க ஆட்டக்காரர் லஹிரு உதாரா, 188 ஓட்டங்கள் குவித்தார்.

மேற்கிந்திய தீவுகள் தரப்பில் ஷமார் ஜோசப் 2 விக்கெட்டுகளை கைப்பற்றினார்.

248 பந்துகளில் 21 பவுண்டரி, 5 சிக்ஸர்கள் உட்பட 188 ஓட்டங்கள் குவித்த லஹிரு உதாரா(Lahiru Udara), இலங்கை டெஸ்ட் கிரிக்கெட் வரலாற்றில் புதிய சாதனையை படைத்துள்ளார்.

3 டெஸ்ட் போட்டிகளில் மட்டுமே விளையாடியுள்ள லஹிரு உதாரா, ஒரு டெஸ்ட் இன்னிங்ஸில் 5 சிக்ஸர்கள் அடித்துள்ள முதல் இலங்கை தொடக்க வீரர் என்ற சாதனையை படைத்துள்ளார்.

தனது 16 வருட டெஸ்ட் வாழ்க்கையில் 110 டெஸ்ட் போட்டிகளில் விளையாடியுள்ள சனத் ஜெயசூரியா தொடக்க ஆட்டக்காரராக 2 முறை ஒரு இன்னிங்ஸில் அதிகபட்சமாக 4 டெஸ்ட் அடித்துள்ளார்.