கச்சா எண்ணெய் விலை உடனடியாக குறையாது: TotalEnergies தலைவர் தெரிவிப்பு!!

TotalEnergies நிறுவனத்தின் தலைவர் Patrick Pouyanné, மத்திய கிழக்கில் ஏற்பட்ட மோதலால் உயர்ந்துள்ள கச்சா எண்ணெய் சந்தை உடனடியாக இயல்பு நிலைக்கு திரும்பாது என்று தெரிவித்தார். அவரது கணிப்புப்படி, சந்தை மீண்டும் சீராக மூன்று முதல் நான்கு மாதங்கள் வரை ஆகலாம்.

அமெரிக்கா மற்றும் ஈரான் இடையே போர்நிறுத்தம் ஏற்பட்டிருந்தாலும், ஹோர்முஸ் நீரிணை வழியாக எண்ணெய் கப்பல்கள் பாதுகாப்பாகச் செல்லும் நிலை இன்னும் முழுமையாக உருவாகவில்லை. பல கப்பல் நிறுவனங்கள் அபாயம் காரணமாக அந்தப் பாதையைப் பயன்படுத்த தயக்கம் காட்டுகின்றன.

ஆய்வாளர்களின் கருத்துப்படி, ஹோர்முஸ் நீரிணை உலக எண்ணெய் வர்த்தகத்திற்கு மிகவும் முக்கியமான பாதையாகும். தற்போது பல எண்ணெய் கப்பல்கள் தங்களின் அடையாள அமைப்பை (AIS) அணைத்தபடி பயணிப்பதால், சந்தையின் உண்மையான நிலையை மதிப்பிடுவது சிரமமாக உள்ளது.

இப்போது சந்தையில் கிடைப்பது கப்பல்கள் மற்றும் சேமிப்புத் தொட்டிகளில் இருந்த எண்ணெயாகும். இந்த இருப்புகள் குறைந்த பிறகு, உற்பத்தி போதுமான அளவில் அதிகரிக்கவில்லை என்றால், எதிர்காலத்தில் கச்சா எண்ணெய் விலை மீண்டும் உயரக்கூடும் என்று நிபுணர்கள் எச்சரிக்கின்றனர்.