ஈரான் மீதான எண்ணெய் தடைகளை தளர்த்திய அமெரிக்கா

ஈரான் எண்ணெய் ஏற்றுமதிக்கு விதிக்கப்பட்ட தடைகளை அமெரிக்கா பகுதியளவில் நீக்கியுள்ளது.

அமெரிக்க நிதியமைச்சகம் 60 நாள் தற்காலிக அனுமதி (waiver) வழங்கியுள்ளது.

இதன் மூலம் ஈரான் தயாரிக்கும் கச்சா எண்ணெய், பெட்ரோலிய பொருட்கள், பெட்ரோ கெமிக்கல் பொருட்கள் ஆகியவை அமெரிக்காவிற்கு ஏற்றுமதி செய்ய அனுமதி கிடைத்துள்ளது.

இந்த நடவடிக்கை, ஜூன் 17 அன்று வாஷிங்டன் மற்றும் தெஹ்ரான் இடையே கையெழுத்தான புரிந்துணர்வு ஒப்பந்தத்தின் (MoU) அடிப்படையில் மேற்கொள்ளப்பட்டது.

அமெரிக்க துணை ஜனாதிபதி ஜே.டி. வான்ஸ், “இறுதி அமைதி ஒப்பந்தத்திற்கான நல்ல அடித்தளம் அமைந்துள்ளது” என்று தெரிவித்தார்.

ஈரான், ஹார்முஸ் நீரிணையில் சுதந்திரமான போக்குவரத்தை உறுதி செய்யவும், சர்வதேச அணு ஆற்றல் அமைப்பின் (IAEA) ஆய்வாளர்களை அனுமதிக்கவும் ஒப்புக்கொண்டுள்ளது. இதனால், அணு ஆய்வுகள் விரைவில் தொடங்கும் வாய்ப்பு உள்ளது.

இந்த அறிவிப்பிற்குப் பிறகு, எண்ணெய் விலை 3.5 சதவீதம் குறைந்து, ப்ரெண்ட் கச்சா எண்ணெய் விலை பீப்பாய்க்கு 77.7 டொலராக சரிந்தது.

ஹார்முஸ் நீரிணையில் எண்ணெய் மற்றும் எரிவாயு கப்பல்கள் அதிகமாகச் செல்லத் தொடங்கியுள்ளன.

அமெரிக்கா, ஈரான் அணு ஆயுதம் உருவாக்குவதைத் தடுக்க வேண்டும் என்பதே தனது முக்கிய நோக்கம் என வலியுறுத்தியுள்ளது.

ஆனால், ஈரான் தனது அணு திட்டம் முழுக்க குடிமக்கள் பயன்பாட்டுக்காக மட்டுமே என மறுபடியும் தெரிவித்துள்ளது.

இந்த தற்காலிக அனுமதி ஆகஸ்ட் 21 வரை செல்லுபடியாகும். இதற்கிடையில், வாஷிங்டன்-தெஹ்ரான் பேச்சுவார்த்தைகள் தொடரும் என எதிர்பார்க்கப்படுகிறது.