கோடைக்கால தள்ளுபடி விற்பனை காலம் நீட்டிப்பு!!

அரசு, கடுமையான வெப்ப அலை காரணமாக பாதிக்கப்பட்ட வணிகர்களுக்கு உதவுவதற்காக, கோடைக்கால தள்ளுபடி விற்பனை காலத்தை ஜூலை 21-க்குப் பிறகும் சுமார் ஒரு வாரம் நீடிக்க முடிவு செய்துள்ளது. புதிய நிறைவு திகதி விரைவில் அறிவிக்கப்படும்.

கடும் வெப்பத்தால் மக்கள் வெளியில் வரத் தயங்குவதால், குறிப்பாக நகர மையங்களில் உள்ள சிறிய மற்றும் சுயாதீன கடைகளில் விற்பனை கணிசமாகக் குறைந்துள்ளது. இதனால் வணிகர்கள் கடும் கவலை தெரிவித்துள்ளனர்.

மறுபுறம், குளிர்சாதன வசதி கொண்ட பெரிய வணிக வளாகங்களுக்கு இந்த சூழல் ஓரளவு சாதகமாக இருந்தாலும், பலர் இணைய வழி விற்பனை தளங்களில் வாங்குவதால் சிறிய கடைகள் அதிக பாதிப்பை சந்திக்கின்றன.

இதற்கிடையில், கடந்த சில ஆண்டுகளாக ஆண்டு முழுவதும் தொடர்ந்து வழங்கப்படும் தள்ளுபடி சலுகைகள் காரணமாக, பாரம்பரிய கோடைக்கால தள்ளுபடி விற்பனையின் தாக்கம் குறைந்து வருகிறது. வெப்ப அலை தற்போது தணியத் தொடங்கியிருந்தாலும், அதன் தாக்கத்தால் மருத்துவமனைகள் இன்னும் அதிக அழுத்தத்தை எதிர்கொண்டு வருகின்றன.