7 வயது மூத்த நடிகையை திருமணம் செய்த கிரிக்கெட் வீரர் ரமன்தீப் சிங்

கிரிக்கெட் வீரர் ரமன்தீப் சிங் தன்னை விட 7 வயது மூத்த நடிகையான சார்லி சௌஹானை திருமணம் செய்துள்ளார்.

சண்டிகரை சேர்ந்த கிரிக்கெட் வீரரான ரமன்தீப் சிங்(Ramandeep Singh), 2024 ஆம் ஆண்டு நடைபெற்ற தென் ஆப்பிரிக்காவிற்கு எதிரான T20 போட்டியில் விளையாடியதன் மூலம் இந்திய அணியில் இடம் பிடித்தார்.

ஆல் ரவுண்டரான இவர் பஞ்சாப் மாநில அணிக்காக விளையாடி வருகிறார்.

ஐபிஎல் தொடரில், 2022 ஆம் ஆண்டில் மும்பை இந்தியன்ஸ் அணிக்காக விளையாடிய இவர், 2024 முதல் கொல்கத்தா நைட் ரைடர்ஸ் அணிக்காக விளையாடி வருகிறார்.

இந்நிலையில், ரமன்தீப் சிங் நடிகையும் தனது நீண்ட நாள் காதலியுமான சார்லி சௌஹானை(Charlie Chauhan) திருமணம் செய்துள்ளார்.

இந்த திருமணம் ஆகஸ்ட் 7 ஆம் திகதி குருத்வாராவில் பாரம்பரிய சீக்கிய முறைப்படி நடைபெற்றுள்ளது.

திருமண நிகழ்வின் போது எடுக்கப்பட்ட புகைப்படங்களை தனது இன்ஸ்டாகிராம் பக்கத்தில் பதிவிட்டுள்ளார்.

இந்த தம்பதிக்கு கிரிக்கெட் வீரர்கள் அபிஷேக் சர்மா, வெங்கடேஷ் ஐயர், வருண் சக்ரவர்த்தி, அர்ஸ்தீப் சிங் உள்ளிட்டோர் வாழ்த்து தெரிவித்துள்ளனர்.

2009 ஆம் ஆண்டில் MTV Roadies 7 என்ற நிகழ்ச்சியில் பங்கேற்பாளராக அறிமுகமானவர் சார்லி சௌஹான். Kaisi Yeh Yaariaan, Best Friends Forever? போன்ற தொலைக்காட்சி தொடர்களில் நடித்தன் மூலம் அறியப்படுகிறார்.

ரமன்தீப் சிங்கிற்கு 29 வயது, சார்லி சௌஹானிற்கு 36 வயது ஆகும். தன்னை விட 7 ஆண்டுகள் மூத்த நடிகையுடன் ரமன்தீப் சிங் 8 ஆண்டுகளாக காதலில் இருந்துள்ளார்.