இந்தியாவில் அறிமுகமான Google Pixel Tag

Google நிறுவனம் தனது முதல் Bluetooth டிராக்கரை இந்தியாவில் அறிமுகப்படுத்தியுள்ளது.

Google Pixel Tag எனப்படும் இந்த சாதனம், பயனர்களின் தினசரி பொருட்களை (சாவி, பணப்பை, பை, பயணப்பெட்டி) எளிதில் கண்டுபிடிக்க உதவுகிறது.

Pixel Tag இந்தியாவில் ரூ.3,799 என்ற விலையில் கிடைக்கிறது. நான்கு டேக் வாங்க விரும்புவோருக்கு விலை ரூ.12,900 ஆகும்.

இந்த டேக் இப்போது Fog என்ற நிறத்தில் மட்டும் கிடைக்கிறது. Google India ஓன்லைன் ஸ்டோரில் நவம்பர் மாதம் விற்பனைக்கு வரும்.

இந்த சாதனம் Apple AirTag-க்கு போட்டியாக அறிமுகப்படுத்தப்பட்டுள்ளது. Bluetooth மற்றும் Ultra-Wideband (UWB) தொழில்நுட்பம் இணைக்கப்பட்டுள்ளதால், பொருட்களை மிகத் துல்லியமாக கண்டுபிடிக்க முடியும்.

Google Find Hub மூலம் Pixel ஸ்மார்ட்போன்கள் நேரடியாக வழிகாட்டும் வசதியையும் வழங்குகின்றன.

Pixel Tag-இல் Gemini AI ஒருங்கிணைக்கப்பட்டுள்ளது. பயனர்கள் Gemini-யிடம் Pixel Tag-ஐ ஒலிக்கச் சொல்லலாம். அதேபோல், Find Hub ஆப்பின் மூலம் Tag-இல் உள்ள ஸ்பீக்கரை இயக்கவும் முடியும். மேலும், Tag-இல் உள்ள physical button மூலம், இணைக்கப்பட்ட Pixel போன் silent mode-இல் இருந்தாலும் ஒலிக்கச் செய்யலாம்.

இந்த சாதனம் CR2032 coin-cell battery மூலம் இயங்குகிறது. ஒரு பேட்டரி ஒரு வருடத்திற்கு மேல் நீடிக்கும் என Google தெரிவித்துள்ளது. IP67 rating கொண்டதால், தூசி மற்றும் தண்ணீர் எதிர்ப்பு வசதி உள்ளது.

Android 9 அல்லது அதற்கு மேற்பட்ட ஸ்மார்ட்போன்களுடன் Pixel Tag பயன்படுத்த முடியும். Android பயனர்களுக்கு, Gemini voice commands, Fast Pair, reverse phone finding போன்ற வசதிகள் இந்த Pixel Tag-ஐ சிறப்பாக ஆக்குகின்றன.