அமெரிக்காவில் சீறிப்பாயும் வெள்ளம் - 6 பேர் உயிரிழப்பு

அமெரிக்காவின் இண்டியானாவில் ஏற்பட்ட வெள்ளப்பெருக்கில் ஆறு பேர் உயிரிழந்த நிலையில் பலர் காணாமல்போனதாக தெரிய வந்துள்ளது.

அமெரிக்காவின் மாகாணமான இண்டியானாவில் கனமழையால் வெள்ளப்பெருக்கு ஏற்பட்டுள்ளது. இதனால் கலங்கிய நீர்ச் சுவர்களால் முழு நகரங்களும் மூழ்கடிக்கப்பட்டன.

சனிக்கிழமையன்று வெள்ள நீர் மேலும் மேலும் உயர்ந்ததால், ஒயிட் ஆற்றங்கரையோரம் வெள்ளத்தில் மூழ்கிய வீடுகளில் சிக்கியிருந்த மக்களை மீட்க மீட்புப் படையினர் படகுகளை பயன்படுத்தினர்.

4 வயது சிறுவன் உட்பட ஆறு பேர் உயிரிழந்த நிலையில் கண்டெடுக்கப்பட்டுள்ளனர். மேலும் பலர் காணாமல் போனதாக தெரிவிக்கப்பட்டுள்ளது. பன்னிரண்டுக்கும் மேற்பட்ட மாவட்டங்கள் உள்ளூர் பேரிடர்களை அறிவித்துள்ளன.

சமீபத்திய சேதங்களில் பெரும்பாலானவை ஹாமில்டன் மாவட்டத்தில் இருந்து வடக்கு இண்டியானாபொலிஸ் புறநகர் பகுதிகளுக்கு செல்லும் ஆற்றுப் பாதைகளில் குவிந்துள்ளன.

இதற்கிடையில், சீறிப்பாயும் வெள்ளம் வீடுகளை மூழ்கடித்து, நகரங்களையே விழுங்கும் அச்சுறுத்தலை ஏற்படுத்தியுள்ளதாக கூறப்படுகிறது.