செப்டம்பர் 9 அடுத்த iPhone வெளியீடு - ஆப்பிள் அறிவிப்பு

ஆப்பிள் நிறுவனம் தனது அடுத்த தலைமுறை iPhone-ஐ வெளியிடும் நிகழ்ச்சியை 2026 செப்டம்பர் 9 அன்று நடத்தவுள்ளதாக அதிகாரப்பூர்வமாக அறிவித்துள்ளது.

இந்த நிகழ்ச்சி, புதிய CEO ஜான் டெர்னஸ் (John Ternus) தலைமையில் நடைபெறுவதால், உலகம் முழுவதும் தொழில்நுட்ப ஆர்வலர்கள் அதிக கவனம் செலுத்துகின்றனர்.

கடந்த சில மாதங்களாக, iPhone-இன் புதிய மாடல் குறித்து பல்வேறு வதந்திகள் பரவி வருகின்றன. குறிப்பாக, மேம்பட்ட AI அம்சங்கள், சிறந்த கமெரா தொழில்நுட்பம், மற்றும் அதிக திறன் கொண்ட பேற்றரி ஆகியவை இடம்பெறும் என எதிர்பார்க்கப்படுகிறது.

மேலும், iPhone-இன் வடிவமைப்பில் சிறிய மாற்றங்களும், புதிய நிறங்களும் அறிமுகமாகலாம் என தகவல்கள் வெளியாகியுள்ளன.

ஆப்பிள், தனது நிகழ்ச்சியை கூப்பர்டினோ, கலிபோர்னியா நகரில் உள்ள Apple Park-இல் நடத்த உள்ளது. உலகம் முழுவதும் இந்த நிகழ்ச்சி நேரடி ஒளிபரப்பாக காண்பிக்கப்படும்.

புதிய iPhone-இன் விலை மற்றும் விற்பனை திகதி குறித்து அதிகாரப்பூர்வ தகவல்கள் இன்னும் வெளியாகவில்லை. ஆனால், நிபுணர்கள், “இந்த முறை iPhone விலை சிறிது அதிகமாக இருக்கலாம்.

அதே நேரத்தில், புதிய AI அம்சங்கள் மற்றும் மேம்பட்ட செயல்திறன் காரணமாக வாடிக்கையாளர்கள் அதை விரும்புவார்கள்” எனக் கூறுகின்றனர்.

ஆப்பிள் ரசிகர்கள், “டெர்னஸ் தலைமையில் வரும் முதல் iPhone எப்படியிருக்கும்?” என்ற கேள்வியுடன் ஆவலுடன் காத்திருக்கின்றனர்.