வேல்ஸை அடுத்து இன்ஃபான்டினோவுக்கு இடியை இறக்கிய இங்கிலாந்து கால்பந்துச் சங்கம்

ஃபிஃபா (Fifa) தலைவர் கியானி இன்ஃபான்டினோவுக்கான ஆதரவை இங்கிலாந்து கால்பந்து சங்கம் (FA) விலக்கிக்கொள்ள முடிவு.

கால்பந்து உலகக் கிண்ணம் பங்குகளை விற்பனை செய்யும் அவரது திட்டங்களால் ஏற்பட்ட விளைவுகளுக்கு மத்தியில், இங்கிலாந்து கால்பந்து சங்கம், ஃபிஃபா தலைவர் கியானி இன்ஃபான்டினோவுக்குத் தனது ஆதரவைத் திரும்பப் பெறுவதாகக் கடிதம் எழுத உள்ளது.

இன்ஃபான்டினோவின் அந்த திட்டம் தொடர்பாக Uefa சட்ட நடவடிக்கை எடுப்பதாக அச்சுறுத்தியுள்ள நிலையிலும், ஃபிஃபா தலைவராக இன்ஃபான்டினோ தொடர்வதற்கான முயற்சிக்கு வேல்ஸ் பகிரங்கமாக ஆதரவைத் திரும்பப் பெற்றுள்ள நிலையிலும் இங்கிலாந்து கால்பந்து சங்கத்தின் இந்த முடிவு வெளியாகியுள்ளது.

ஐரோப்பா, வட மற்றும் மத்திய அமெரிக்கா மற்றும் கரீபியன் பிராந்தியங்களில் உள்ள கால்பந்து நிர்வாக அமைப்புகளால் இன்ஃபான்டினோவின் தலைமைத்துவம் ஏற்கனவே பகிரங்கமாகக் கேள்விக்குள்ளாக்கப்பட்டுள்ளது.

இந்த நெருக்கடிகளுக்கு மத்தியிலும், கத்தார், லெபனான், குவைத் மற்றும் இலங்கை ஆகியவை ஃபிஃபா (FIFA) தலைவராக இன்ஃபான்டினோ தொடர்வதற்குத் தங்கள் ஆதரவை உறுதியளித்துள்ளன.

அவர் மார்ச் மாதம் வரை பதவியில் நீடித்தால், நான்காவது மற்றும் இறுதிக் கட்டமாக தலைவர் பதவிக்கு மீண்டும் போட்டியிட முடியும்; வெற்றிபெற ஃபிஃபாவின் (FIFA) 211 உறுப்பினர்களில் 106 பேரின் வாக்குகள் அவருக்குத் தேவைப்படும்.

இதில் Uefa 55 வாக்குகளையும், ஆப்பிரிக்கா 54, ஆசியா 46, Concacaf 35, Oceania 11 மற்றும் Conmebol 10 வாக்குகளையும் பெற்றுள்ளன. 46 வாக்குகள் கொண்ட ஆசிய கால்பந்து கூட்டமைப்பு Uefa எடுக்கும் முடிவுக்கு ஆதரவளித்துள்ளது.