செம்மணியில் அடையாளம் காணப்பட்ட 499 மனித எலும்புக்கூடுகள்

இலங்கையில் மிக பெரிய மனித புதைகுழியாக செம்மணி மனித புதைகுழி மாறியுள்ள நிலையில் 499 மனித எலும்புக்கூடுகள் இதுவரை அடையாளம் காணப்பட்டுள்ளன.

செம்மணி சித்துபாத்தி மனித புதைகுழி அகழ்வின் மூன்றாம் கட்டத்தின் 45வது நாளான இன்று (6) 8 மனித எலும்பு குவியல்கள் அடையாளம் காணப்பட்டுள்ளதுடன் 5 மனித எலும்புக்கூடுகள் . அகழ்ந்தெடுக்கப்பட்டுள்ளன.

இதுவரை மொத்தமாக 494மனித என்பு தொகுதிகள் அகழ்ந்து எடுக்கப்பட்டுள்ளன .

யாழ்ப்பாணம் நீதிவான் நீதிமன்ற நீதிவான் எஸ். லெனின் குமார் முன்னிலையில் நடைபெற்ற அகழ்வு பணிகள் இடம்பெற்றன.

சட்டத்தரணிகள், பொலிஸ் குற்றத்தடுப்பு பிரிவினர், சட்ட வைத்திய அதிகாரி, தொல்பொருளியல் துறை பேராசிரியர் ராஜ் சோமதேவ மற்றும் பாதிக்கப்பட்ட தரப்பு சட்டத்தரணிகள் பங்குபற்றியிருந்தனர்.