Camera இல்லாத Ray-Ban AI கண்ணாடியை வெளியிட்ட Meta

கமெரா இல்லாத Ray-Ban AI ஆடியோ கண்ணாடியை Meta வெளியிட்டுள்ளது.

சமூக ஊடக நிறுவனமான Meta, தனியுரிமை குறித்த கவலைகளை சமாளிக்கும் வகையில், கமெரா இல்லாத Ray-Ban Meta Audio Glasses-ஐ அறிமுகப்படுத்தியுள்ளது.

இந்த கண்ணாடிகள் Meta Connect 2026 மாநாட்டில் வெளியிடப்பட்டன. இவை இசை, பாட்காஸ்ட் கேட்க, தொலைபேசி அழைப்புகளை மேற்கொள்ள, மொழிபெயர்ப்பு செய்ய மற்றும் Meta-வின் தனிப்பட்ட AI உதவியாளர் Muse உடன் தொடர்பு கொள்ளும் திறன் கொண்டவை.

EssilorLuxottica நிறுவனத்துடன் இணைந்து உருவாக்கப்பட்ட இந்த கண்ணாடிகள் 349 டொலர் (சுமார் ரூ.29,000) விலையில் கிடைக்கும். முன்பதிவு அக்டோபர் 13 முதல் தொடங்குகிறது.

இந்த கண்ணாடிகள் 43 கிராம் எடையுடன், 12 மணி நேர பேட்டரி ஆயுட்காலம் வழங்குகின்றன. சார்ஜிங் கேஸ் மூலம் 48 மணி நேரம் வரை நீட்டிக்க முடியும்.

மேலும், 23 வண்ண மற்றும் லென்ஸ் விருப்பங்களுடன், ‘Clubmaster’ மற்றும் ‘Burbank’ எனும் புதிய வடிவங்களில் கிடைக்கும். பயனர்கள் prescription lens-களையும் ஆர்டர் செய்யலாம்.

Meta CEO Mark Zuckerberg, “ஆடியோவுக்கே முக்கியத்துவம் அளிக்கும் தனி வகை கண்ணாடிகளை உருவாக்கும் வாய்ப்பு கிடைத்தது” என்று தெரிவித்துள்ளார்.

இதனுடன், Meta தனது Ray-Ban Meta Gen 3 AI Glasses-யும் அறிமுகப்படுத்தியுள்ளது. இதில் 12MP கமெரா, 3K Ultra HD வீடியோ பதிவு, 6 மைக்ரோஃபோன் அமைப்பு, 9 மணி நேர பேட்டரி ஆயுட்காலம் போன்ற அம்சங்கள் உள்ளன.

கமெரா இல்லாத புதிய மொடல், தனியுரிமை குறித்த விமர்சனங்களை குறைக்கும் வகையில் வடிவமைக்கப்பட்டுள்ளது. இதனால், மறைமுகமாக வீடியோ பதிவு செய்வது போன்ற பிரச்சினைகள் தவிர்க்கப்படுகின்றன.