மாறிய முதல்வர் விஜயின் பிரசார பாணி !

தாராபுரம் பிரசாரக் கூட்டத்தில், தவெக அரசு அறிவித்து நிறைவேற்றிய தேர்தல் வாக்குறுதிகளை பட்டியலிட்டு முதல்வர் விஜய் வாக்கு சேகரித்தார்.

தேர்தல் பிரசாரக் கூட்டங்களில் எதிர்க்கட்சிகளான திமுக, அதிமுக மற்றும் அவற்றின் கூட்டணிக் கட்சிகளை கடுமையாக விமர்சித்து பேசுவது வழக்கம். ஆனால், இன்று தாராபுரத்தில் நடைபெற்ற பிரசாரக் கூட்டத்தில் முதல்வர் விஜயின் பேச்சில் சற்று மாற்றம் காணப்பட்டது.

மக்களிடம் பேசும்போது, தவெகவையும் அதன் தொண்டர்களையும் யாரும் தொடக்கூடாது என்றும், திமுகதான் தங்களது எதிரி, அது “தீய சக்தி” என்றும், அதிமுக “தீர்ந்துபோன சக்தி” என்றும் விஜய் விமர்சித்து வந்தார். குறிப்பாக, மதுராந்தகம் இடைத்தேர்தல் பிரசாரத்தின்போது திமுக, அதிமுகவை அரசியல் ரீதியாக கடுமையாக விமர்சித்து பேசினார்.

ஆனால், தாராபுரம் இடைத்தேர்தல் பிரசாரக் கூட்டத்தில் இதற்கு மாறாக, தவெக அரசு ஆட்சிக்கு வந்த நாள் முதல் இதுவரை அளித்த தேர்தல் வாக்குறுதிகளில் எவற்றை நிறைவேற்றியுள்ளோம் என்பதை ஒவ்வொன்றாக பட்டியலிட்டு விஜய் பேசினார்.

மேலும், தாராபுரம் பகுதியில் நீண்ட காலமாக நிலவி வரும் குடிநீர் பற்றாக்குறை, பட்டா பிரச்னை, கூட்டுக்குடிநீர் திட்டம் இல்லாதது உள்ளிட்ட பல்வேறு பிரச்னைகளையும் அவர் முன்வைத்தார்.

மக்களின் அடிப்படைத் தேவைகளை அரசு புரிந்து வைத்துள்ளதாகவும் விஜய் பேசினார். அவரது இந்த அணுகுமுறை பொதுமக்களிடையே கவனத்தை ஈர்த்தது.