2026-2027 ஆம் ஆண்டிற்கான Pass Sport உதவி 50 யூரோக்களாகக் குறைப்பு!!

2026-2027 கல்வியாண்டிற்கும் இளைஞர்களின் விளையாட்டு நடவடிக்கைகளை ஊக்குவிக்கும் Pass Sport திட்டம் தொடரும். ஆனால், 2025-2026 ஆம் ஆண்டில் 70 யூரோவாக இருந்த உதவித்தொகை தற்போது 50 யூரோவாகக் குறைக்கப்பட்டுள்ளது. இந்தத் திட்டத்தின் விதிமுறைகளை விரைவாக வெளியிட வேண்டும் என்று விளையாட்டுத் துறையினர் முன்பு அரசைக் கேட்டிருந்தனர்.

இந்த 50 யூரோ உதவி, விளையாட்டு கழக உறுப்பினர் கட்டணம் அல்லது விளையாட்டு உரிமம் பெறும் செலவில் நேரடியாகக் கழிக்கப்படும். பின்னர், அந்தத் தொகையை சம்பந்தப்பட்ட விளையாட்டு அமைப்பிற்கு அரசு திருப்பிச் செலுத்தும்.

இந்த உதவித் திட்டம், குடும்ப வருமானக் கணக்கீட்டில் 699 யூரோவைத் தாண்டாத குடும்பங்களைச் சேர்ந்த 6 முதல் 17 வயது இளைஞர்களுக்குக் கிடைக்கும். மேலும், குறிப்பிட்ட உதவித்தொகைகளைப் பெறும் மாற்றுத்திறனாளி இளைஞர்கள் மற்றும் 28 வயதுக்குட்பட்ட உதவித்தொகை பெறும் மாணவர்களும் இதற்குத் தகுதியானவர்கள்.

Pass Sport உதவியை 2026 செப்டம்பர் 1 முதல் டிசம்பர் 31 வரை விளையாட்டு கழகத்தில் சேர்வதற்கோ அல்லது விளையாட்டு உரிமம் பெறுவதற்கோ பயன்படுத்தலாம். தகுதியானவர்களுக்கு தனிப்பட்ட குறியீடு வழங்கப்படும். பிரதமர் செபஸ்தியன் லெகோர்னு மற்றும் விளையாட்டுத்துறை அமைச்சர் மரினா ஃபெராரி கையெழுத்திட்ட இந்த அரசாணை ஆகஸ்ட் 30 முதல் அமலுக்கு வருகிறது.