தேநீர் நேரம்

17 ஆடி 2020 வெள்ளி 14:46 | பார்வைகள் : 15462

அன்னை காலை அடுப்படியில்

புகுந்தாலே வீட்டில் தேநீர் நேரம்

அப்பா கையிலே நாளிதழ்

செய்திகளுடன் உறவாடி

தேநீர் அருந்தி மகிழ்வார்!

அண்ணன் அக்கா தம்பி

கரங்களில் கைபேசி

இதழ்களில் புன்னகை

இதழ்நுனியில் தேநீர்கோப்பை!

பக்தியுடன் தொலைக்காட்சியில்

பாட்டி தாத்தா அம்மா

சுப்ரபாதம் கேட்டுகொண்டே

சுவைத்து மகிழ்வர் தேநீர்!

உழைப்பாளிகள் களைப்பு

மறைய நின்றுகொண்டே

தேநீர் அருந்தி சுறுசுறுப்பாக

சிரித்து உரையாடுவர்!

தொடர்ந்து படிக்க