காதலுடன் ஒரு காதல்.....!

9 பங்குனி 2017 வியாழன் 08:51 | பார்வைகள் : 16329

விழி இரண்டும் நீ எனக்கு

பார்வையென நான் உனக்கு

வரிகள் என நீ எனக்கு

மொழிகள் என நான் உனக்கு

மூச்சென நீ எனக்கு

தென்றலென நான் உனக்கு

உயிரென நீ எனக்கு

உடல் என நான் உனக்கு

ஆசை மொழி பேசி தீர்த்தால்

மௌனம் கூட மிச்சம் உண்டு

காதலும் தீர்ந்து போனால்

நினைவுகள் நீளும் இங்கு

காலை மாலை இரவு என

கலந்திருக்க நீ வேண்டும்

காமமற்ற வேளையிலும்

காதலுடன் நீ வேண்டும்

கோபமற்ற நிமிடங்கள்தான்

குறைவின்றி நீள வேண்டும்

மௌனம் மொழி பேசி தீர்க்க

வார்த்தைக்கெல்லாம் விடுப்பு வேண்டும்

ஆசையுடன் தோல் சாய

ஆவலுடன் நீ வேண்டும்

ஆயுள் கொஞ்சம் முடிந்தாலோ

உன் மடி மீது மரணம் வேண்டும்

மறு ஜென்மம் என்றாலோ

அப்பொழுதும் நீ வேண்டும்

தொடர்ந்து படிக்க