செல்வம்..!

1 தை 2015 வியாழன் 17:31 | பார்வைகள் : 18084

தங்கத்தை அரைத்துப்

பூசியது போலொரு பதுமை

வைரமே வெட்கப்படும்

கட்டழகுக் கண்கள்

வெளிச்சக் கூட்டில் விளைந்த

வெண்ணொளியான அழகுமேனி

சொர்க்க வாசலின் வசீகரம்

அன்பை வெளிப்படுத்தும் ஆளுமை

அமைதி அடக்கத்துள்

பதுங்கி நிற்கும் பெண்மை

பண்பு பாசம் பரிவுடன்

உள்ளம் உருகவைக்கும் தன்மை

இவளோடு வாழும் ஒவ்வொரு நொடியும்

வசந்தம் என் வசமாகிறது

என் வீட்டிற்கு விளக்கேற்றும் - இந்த

பெண்ணவளே என் செல்வம்

இந்தச் செல்வம்

எனக்களித்த பிள்ளைச் செல்வங்களே

வாழ்கையில் என் பெருஞ்செல்வம்

- விக்கி நவரட்ணம்

தொடர்ந்து படிக்க